அமெரிக்காவில் இடைத்தேர்தல் ஈரான் மீது மீண்டும் தாக்குதல் நடத்த அதிபர் டிரம்ப் உத்தரவு

வாஷிங்டன்: அமெரிக்காவில் விரைவில் இடைத்தேர்தல் வரவுள்ள நிலையில், ஈரான் மீது தாக்குதல் நடத்துவதற்கான ராணுவத் திட்டங்களைத் தயாரிக்குமாறு பென்டகனிடம் வெள்ளை மாளிகை கேட்டுக்கொண்டுள்ளது. கடந்த 8 மாதங்களாக நடைபெற்று வரும் அமெரிக்க-ஈரான் போரினால் கச்சா எண்ணெய் விலை உயர்ந்து, அமெரிக்காவில் பெட்ரோல் விலை கடுமையாக அதிகரித்துள்ளது.

இதனால் அதிபர் டிரம்பின் மக்கள் ஆதரவு 32 சதவீதமாகச் சரிந்துள்ளது. தேர்தலுக்கு முன்பாகத் தனது ராணுவப் பலத்தைக் காட்டி, மக்களின் எதிர்ப்பைக் குறைக்கவே டிரம்ப் இந்தத் தாக்குதல் திட்டத்தை யோசித்து வருகிறார். ஆனால், மீண்டும் தாக்குதல் நடத்தினால் பெட்ரோல் விலை மேலும் உயரும் என்றுவல்லுநர்கள் எச்சரிக்கின்றனர்.

ஒருபுறம் மறைமுக பேச்சுவார்த்தை நடந்தாலும், டிரம்பின் இந்த அதிரடி நகர்வு பெரும் பரபரப்பை ஏற்படுத்தியுள்ளது. அமெரிக்காவில் மட்டுமின்றி இஸ்ரேலிலும் விரைவில் பொதுத்தேர்தல் நடக்க உள்ளது. எனவே தேர்தலை கருத்தில் கொண்டு, அமெரிக்காவும் இஸ்ரேலும் இணைந்து விரைவில் ஈரான் மீது மீண்டும் பயங்கர தாக்குதலை நடத்தக் கூடும் என அஞ்சப்படுகிறது.