மதுராந்தகம், தாராபுரத்தில் நாளை வாக்கு எண்ணிக்கை

உள்ளடக்கத்திற்கு செல்ல

வாக்காளர் பட்டியலில் பெயர் சேர்க்க நாளை சிறப்பு முகாம்

ADDED : அக் 09, 2026 12:18 AM

திண்டுக்கல்: மாவட்டத்தில் இளம், முதல் தலைமுறை வாக்காளர்களாக தகுதி பெற்றவர்கள் அனைவரும் வாக்காளர் பட்டியலில் பெயர் சேர்க்க அனைத்து ஓட்டுச்சாவடிகளிலும் நாளை (அக்.,10) சிறப்பு முகாம் நடக்க உள்ளது என கலெக்டர் துர்கா தெரிவித்துள்ளார்.

மேலும் அவர் கூறியிருப்பதாவது:

சிறப்பு தீவிர திருத்தப் பணிகள் நிறைவடைந்துள்ள மாநிலங்கள், யூனியன் பிரதேசங்களில், இளம்/ முதல் தலைமுறை வாக்காளர்கள் பதிவு செய்வதற்கு சிறப்பு நடவடிக்கைகள் மேற்கொள்ள வேண்டும் என இந்திய தேர்தல் ஆணையம் அறிவுறுத்தி உள்ளது. அதன்படி அக்.,7, 8, 9 ஆகிய 3 நாட்களில் பதிவு பணிகள் நடந்தன.

தொடர்ந்து மாவட்டத்திலுள்ள அனைத்து ஓட்டுச்சாவடி மையங்களிலும் நாளை (அக்.,10) சிறப்பு முகாம்கள் நடக்க உள்ளது. இதில் இளம் / முதல்தலை முறை வாக்காளர்களின் பெயரை வாக்காளர் பட்டியலில் சேர்க்கவும், இந்த சேர்க்கையை அதிகரிக்கும் வகையிலும், நகர்ப்புற பகுதிகளுக்கு சிறப்பு கவனம் அளிக்கவும் ஏற்பாடுகள் செய்யப்பட்டு உள்ளன.

இம்முகாம் குறித்து ஊடகங்கள் மூலமாகவும், மாவட்ட தேர்தல் அலுவலர்களின் அதிகாரப்பூர்வ சமூக ஊடக கணக்குகள் மூலமாகவும் விளம்பர விழிப்புணர்வு செய்யப்பட்டுள்ளன.

வாக்காளர் பதிவு அலுவலர்கள், ஓட்டுச்சாவடி நிலை அலுவலர்களுடன் தொடர்ந்து கூட்டங்கள் நடத்தப்படுகின்றன. எனவே பொதுமக்கள் வாக்காளர் பட்டியலில் புதிதாக பெயர், சேர்ப்பதற்கான இவ்வாய்பினை பயன்படுத்தி கொள்ள வேண்டும் என தெரிவித்து உள்ளார்.