யோங் பெங் பள்ளி கொலை வழக்கு: சந்தேக நபருக்கு காவல் நீட்டிப்பு

பத்து பஹாட்: யோங் பெங் பகுதியில் உள்ள ஒரு பள்ளியில் மாணவி ஒருவரைக் கொலை செய்ததாகச் சந்தேகிக்கப்படும் 16 வயதுடைய சிறுவனின் காவல், சனிக்கிழமை (அக்டோபர் 10) முதல் அக்டோபர் 15 வரை ஆறு நாட்களுக்கு நீட்டிக்கப்பட்டுள்ளது. வெள்ளிக்கிழமை (அக்டோபர் 9) இங்குள்ள மாஜிஸ்திரேட் நீதிமன்றத்தில், மாஜிஸ்திரேட் ஐமி நவ்வார் முகமது ஓத்மான் இந்த நீட்டிப்பை வழங்கினார்.

16 வயதான ஐரீன் சோஃபியா முகமது கைருல் ஃபைசலின் மரணம் தொடர்பான விசாரணையில் உதவுவதற்காக, இந்தச் சிறுவன் ஏற்கனவே அக்டோபர் 4 முதல் ஆறு நாட்கள் காவலில் வைக்கப்பட்டிருந்தான். சந்தேக நபரின் வகுப்புத் தோழியான அந்த ‘ஃபார் 4’ (Form 4) மாணவி, அக்டோபர் 3 அன்று மாலை சுமார் 5.50 மணியளவில் யோங் பெங்கில் உள்ள பள்ளி மண்டபம் ஒன்றில் ரத்த வெள்ளத்தில் மயங்கிய நிலையில் கண்டெடுக்கப்பட்டார். பின்னர் அவர் இறந்துவிட்டதாக அறிவிக்கப்பட்டது.

அவரது உடல் பிரேதப் பரிசோதனைக்காக சுல்தானா நோரா இஸ்மாயில் மருத்துவமனைக்கு (HSNI) அனுப்பி வைக்கப்பட்டது. கொலைக்கு எதிரான தண்டனைச் சட்டத்தின் பிரிவு 302இன் கீழ் இவ்வழக்கு விசாரிக்கப்பட்டு வருவதாகக் காவல்துறை தெரிவித்துள்ளது. சுல்தானா நோரா இஸ்மாயில் மருத்துவமனையில் பிரேதப் பரிசோதனை நிறைவடைந்ததைத் தொடர்ந்து, கடந்த ஞாயிற்றுக்கிழமை கம்போங் பாரிட் அர்ஷாத் முஸ்லிம் இடுகாட்டில் ஐரீன் சோஃபியாவின் உடல் அடக்கம் செய்யப்பட்டது.

The post யோங் பெங் பள்ளி கொலை வழக்கு: சந்தேக நபருக்கு காவல் நீட்டிப்பு appeared first on Makkal Osai - மக்கள் ஓசை .